أنا ناوي كده والنية لله انى افرقع الدنيا واكسر الكون
هنزل مصر اجازة بكاميرا فيديو وأدور في الشوارع لغاية لما الاقي حاجه تنفع تنزل علي المدونة ومين عارف؟ ممكن تضرب وتكسر الدنيا وابقي بقي مدون مشهور يشار إلي بالبنان
ومقالات عني بقي وابقي مصدر أخبار ومشهور وأعمل لقاءات تلفزيونية واتنطط من قناة لقناة وكله بحسابه.
وأفضل اشتم في أي حد مختلف معايا في الرأي .. ده حمار وده ابن شرموطة وده بهيم مابيفهمش .
ليه لا مانا بس اللي بفهم وأي حد تاني مابيفهمش .. مش أنا اللي علمت الناس التدوين ؟ وأي حد يدون بعدي يبقي بشخة وعيل سيس لسه بياخد المصروف من أمه .
وطبعاً مش هنزل اي مظاهرات ولا هشارك في اي حدث سياسي بره المدونة بتاعتي ... كل نضالي هيكون اليكتروني .. بس زي مانتوا عارفين ان ان النضال الاليكتروني أهم من اي مظاهرات و ضغط شعبي علي الحكومة .
وهقول طبعاً ان العيال اللي بتنزل المظاهرات عيال سيس ولا يفهموا حاجه في السياسة ولا سمعوا عن التنظيم ووسائل الضغظ ومش بعيد اتهمهم بالعمالة .
مانا الملهم الوحيد اللي بفهم التايهه .
وهقول علي كل التيارات السياسية انهم ولا يفهموا حاجه وهيضيعوا الشعب وراهم ... ده بيقبض من أمريكا وده من الاتحاد الأوربي وده من القذافي وده من ايران وده عميل الأمن ومحدش فيهم بيشتغل للشعب... وانا الوحيد اللي مش بقبض من حد ...مع اني عاطل شغل ومش عميل لحد .
اه يا نضال اخر زمن .
يللا فتكوا بعافيه
انت مين ؟ وكنت فين لما كان هو بينزل يغطي مظاهرة مظاهرة وكان بيغطي مظاهرات كل الناس وكل التيارات ولولاه مكانش حد سمع ان فيه معارضة في مصر اصلا
ReplyDeleteانت ولا حاجة
طفيلي متسلق
واتمنى ما يوصلوش كلامك علشان ما يهزقكش ويشهرك عالفاضي
ضفره برقبة مليون زيك
سارة
ايه ده؟ أخيرا حد عرف مدونتي؟ هو ده المطلوب اثباته
ReplyDeleteأنا ولا حاجه ...ولا مانزلتش في مظاهرات ولا حاجه ... بس انا عمري مادعيت اني حاجه اساساً ولا حتي ادعيت اني مدون ولا مثقف ولا اي حاجه نهائي :)
طفيلي ليه حضرتك بقي؟ أنا مانسبتش شغل حد ليا ولا عملت نفسي بطل قومي ولا قولت انا اللي عملت البشر دي .
ممكن لو سمحتي يعني حضرتك ... انتي بتتكلمي باسم مين وبصفتك ايه؟